تەقینەوەیگ لەبان ری فرۆکەخانەیگ لە پاکستان

شەفەق نیوز/ تەقینەوەی گەپیگ لەبان ری فرۆکەخانەی کراتشی رویدا کە گەپترین شارە لە پاکستان، کۆمەڵە چەکدارەیل جیاخوازەیل، ئمڕوو دووشەممە، وەرپرسیارەتی پەلامارەداین ناوچەگە گردنە ئەستۆ.

ئاژانس فرانس پرێس وت: (دویەشەو یەکشەممە)دەنگ تەقینەوە لە شار کراتشی باشوور پاکستان ژنەفیاس، و کەناڵ ناوخوەیی "جیۆ نیوز" راگەیان دوو کەسیان کوشیانە و دەیان کەسیش زەخمدارن.

حکومەت هەرێم ئەلسند لە باشوور پاکستان لەرێ پێگەی ئکس وت: "بارهەڵگر سزەمەنییگ" لەبان ری خێرا کە رەسێدەفرۆکەخانەگە تەقیەسەو.

بایلۆزخانەی چینی لە ئیسلامئاباد دووپاتکرد، دوو هاوڵاتیان لە ئەنجام تەقینەوەی ماشینیگ بارهەڵگر نزیک فرۆکە خانەی پاکستان لە شار کراتشی گیان لەدەسداس و یەکیگیش زەخمدارە.

بایلۆزخانەگە رویداوەگە وە پەلاماریگ تیرۆرستیانە وەسف کرد و وە تونی شەرمەزار ئێ جویرە کارەیلە کەێد.

وتیش؛ تەقینەوەگە لە ساعەت 23:00 وەپای وەخت ناوخوەیی رویدایە (21:00 وەخت بەغداد) لە رووژ 6 ئۆکتۆبەر/ تەشرین یەکەم، لەی تەقانن ماشینیگ بارهەڵگر سەر وە کۆمپانیای    Port Qasim Electric Power کە وزە ەرا چین کلکەێد.

بڕیگ لە دەگازگایەیل ڕاگەیانن نویساننە، ماشینەگە بڕیگ لە ئەندازیار و وەبەرهێنەرەیل چینی هەڵگردیە هەنای تەقینەوەگە رویدەێد و وە ئامانج گیریانە لە ری بوینە ئەرا فرۆکەخانە.