تەقەلای کوشتن سەرۆک ئۆکرانیا شکست هاورد

شەفەق نیوز/ وەرپرسیگ ئۆکرانی راگەیان، تەقەلای کوشتن سەرۆک ئۆکرانیا وەدەس گروپەیل چیچانی شکست وەپی هاوریایە. 

ئۆلێکسی دانیلۆڤ، سکرتێر ئەنجومەن ئاسایش نیشتیمانی و وەرگری ئۆکرانیا وە تەلەڤزیۆن فەرمی وڵاتەگەی راگەیان، لە دۊای ئەوەگ وەلایەن کەسە بیلایەنەیل هەواڵگری روسیا زانیاری رەسیە پیمان تۊنستیمن تەقەلای کوشتن ڤلادیمێر زێلنسک سەرۆک ئۆکرانیا پۊچەڵ بکەیمن.

ئاشکەرا کرد، گروپیگ چیچانی راسپێریابۊن ئەرا ئەنجامدان ئەو کارە و وەبان دو گروپ دابەش بۊن و لە باکوور خوەرئاوای کیێڤ لە ناوچەی هۆستۆمێل رۊیوەرۊ گورپیگیان بۊنەسەو.

ئەو وەرپرس ئۆکرانیە دووپات کردیە، سەرۆکەگەیان و ملەتەگەی وەجی نێلێد و مقیەتیان کەێد.