تەرم مناڵیگ لەناو جانتا.. تاوان دڵتەزنیگ لە فەرەنسا

  شەفەق نیوز/ مناڵیگ مردگ لەناو جانتایگ لە ناوچەی شین ئی مارن لە پاریس پەیا کریا، و داڵگ مناڵەگە بەندی کریا.   

وەگورەی راگەیانن دادوەری پاریس، دۊیای ٢٤ ساعەت لە مینەکردن،  شۊن داڵگەگە لەناوچەی شوازی لو لۆرا وە دۊری نزیکەی ٣٠ کیلومەتر لە ماڵیان دیاری کریا.   

داڵگەگە لەماڵ یەکیگ لە کەسوکارەیلی، شەوەکی رووژ جومعە دەسوەسەر کریا، تا ئەوەنە لێکوڵینەوە لە توومەت کوشیان کوڕە ناخاڵەگە رەسێدە ئەنجام.  

داڵگەگە ٣٣ ساڵان، لە رەگەزنامەی کامبۆدیە، شیواشیو دەرۊنی دیرێد.      

  ئیوارەی چوارشەممە،  باوگەگە ئاگاداری وە گومابۊن کوڕەگەی و ژنەگەی توومار کردگە، و دەسەڵاتەیل دەسکردنە مینەکردن فراوانیگ دۊیای ئەوەگ شۊن خۊین لەناو ماڵەگە پەیا کردن. دۊیای ئەو مینەکردنە تەرم مناڵەگە لەناو جانتایگ وە دۊری ١٠٠ مەتر لەماڵ خیزانەگە پەیا کریا.