بڕێگ ترۆريست له ته‌هران ده‌سگير كريان
2017-02-11T07:27:00+00:00
شه‌فه‌ق نيوز/ محه‌مه‌د جه‌عفه‌ر مونته‌زرى ئاشكراى ئه‌وه كرد ك شماره‌يگ ترۆريست سه‌ر وه ريكخرياگ ترۆريستى داعش له ده‌ورگرد ته‌هران ده‌سگير كريانه وه تومه‌ت ئه‌وه‌گ پلان دانانه ئه‌را ئه‌نجامداين كرده‌وه‌يل ترۆريستى وه ريككه‌فت وه‌ل ئاهه‌نگه‌يل سه‌ركه‌فتن شووڕش ئيرانى.
له‌ى باوه‌ته‌و، هووكاره‌يل ره‌سانن ئيرانيه‌و له زووان مونته‌زرى ئه‌وه ده‌رخستن ك ئه‌و ترۆريسته‌يله پلان گه‌ورايگ نانه ئه‌را ره‌سانن زه‌ره‌د وه وڵاته‌گه‌و هه‌ر وه‌و خاتريشه له ماوه‌ى سێ رووژ گوزه‌يشت ده‌سگير كريانه.
جى باسه، مونته‌زرى هه‌ميش وت: ئه‌گه‌ر ده‌رنه‌چياتايم ئه‌را ده‌يشت ماڵه‌يل و مه‌رزه‌يلمان له‌وه‌ر له‌ناوبردن ترۆريسته‌يل سه‌ر وه ريكخرياگ داعش، ئه‌وه ئمڕوو دوشمن له‌ناو خاك خوه‌مان جه‌نگ وه‌لمانا كردێاد.
