بوردمان مزگفتيگ له سوريا ده‌يان كه‌س كوشت
2017-03-17T11:18:00+00:00
شه‌فه‌ق نيوز/ چه‌ودێر سوورى ئه‌را مافه‌يل ئاده‌ميزاد ئاشكراى ئه‌وه كرد ك 42 كه‌س له ئاكام بوردمانكردن مزگفتيگ له ئاواييگ له پاريزگاى ئيدلب له باكوور خوه‌رئاواى سوريا كوشيانه‌و شماره‌ى فريه‌يگيش زه‌خمدار بوينه.
له‌ى باوه‌ته‌و، روێته‌رزيش ئه‌وه ده‌رخست ك مزگفت ئاوايى ئه‌لجينا له باشوور خوه‌رئاواى عه‌تريب له نزيك شار ئيدلب گيرياسه ئامانج.
جى باسه، دوياى ئه‌وه‌گ چه‌كداره‌يل ئۆپۆزسيۆن سوريا له شار حه‌له‌ب نه‌مه‌ندن، وه‌ل خيزانه‌يليان كه‌فتنه‌ڕى وه‌ره‌و ناوچه‌يل جياياى پاريزگاى ئيدلب و ئاوايى ئه‌لجينايش يه‌كيگه له‌و ئاوايه‌يله ك كه‌فته‌سه ژير كۆنترۆڵ چه‌كداره‌يل ئۆپۆزسيۆن.
