به‌ڵگه‌يگ ئاشكراى ده‌سداشتن ئه‌سه‌د ئه‌كا له په‌لاماره‌يل كيمياوى له سوريا
شه‌فه‌ق نيوز/ ئاژانس "روێته‌رز" زانياريه‌يل تازه‌يگ ئاشكرا كرد له‌ڕى په‌يجووريكه‌ره‌يل له نه‌ته‌وه‌يل يه‌كگرتگ و ريكخرياگ قه‌يه‌غه‌كردن چه‌ك كيمياوى له‌باره‌ى وه‌كارهاوردن مادده‌ى كيمياوى له سوريا ك ناوه‌يليگ له‌تى وجوود ديرێد ده‌س له‌و مه‌سه‌له داشتنه.
روێته‌رز باس له‌وه كرد ك ئه‌و به‌ڵگه ئه‌وه ده‌رئه‌خا ك ده‌سڵاته‌يل سوورى ده‌س له مه‌سه‌له‌ى له‌وه‌كارهاوردن چه‌ك كيمياوى داشتنه له 2014 - 2015و ئه‌را ئى كاريشه ئاماژه وه به‌شار ئه‌سه‌د سه‌رۆك سوورى و ماهر ئه‌سه‌د برا بويچگى كرياگه.
ئاژانس ناوبرياگ ئاماژه وه‌يه‌يش كرد ك شاره‌زايه‌يل له ليژنه‌ى په‌يجوورى ليستيگ وه‌ناو ئه‌و كه‌سه‌يله ئاماده كردنه ك ده‌سداشتنه له په‌لاماره‌يل وه قومبه‌ڵه‌ى كلۆر له‌ساڵه‌يل 2014 و 2015 و له‌وانه‌يش به‌شار ئه‌سه‌د و براگه‌ى و كه‌سه‌يل تر پايه‌به‌رز.
