به‌شداريكردن فره‌نسا له كوشتارگه‌ى سيسى ئاشكرا كريا
شه‌فه‌ق نيوز/ رووژنامه‌ى "موند ئه‌فريك" فره‌نسى راپۆرتيگ بڵاو كرد و له‌تى باس له به‌شداريكردن فره‌نسا ئه‌كا له‌و كوشتارگه ك رژيم عه‌بدولفه‌تاح سيسى سه‌رۆك مسرى له وڵاته‌گه‌ى ئه‌نجامى ئه‌ياد له‌رێ پڕچه‌ككردن و وه‌رگرتن ته‌قه‌مه‌نى ك وه‌پى حاڵ هاووڵاتيه‌يل هاورده‌سه ته‌نگ.
رووژنامه‌گه وت: له ماوه‌ى هه‌فت ساڵ، شماره‌ى ئه‌و ريككه‌فتنه‌يل دو به‌رانبه‌ره‌و بوينه ك وه‌گووره‌يان فره‌نسا چه‌ك و سيستم چه‌وديريكردن داشه مسر، يه‌يش له وه‌ختيگ ك سيسى كوشتار دژ ئۆپۆزسيۆنه‌يل وڵاته‌گه‌ى زياتره‌و كردگه‌و يه‌يش له‌يوا كردگه ريكخرياگه‌يل ناحكومى و وه‌گريكه‌ر له مافه‌يل ئاده‌ميزاد بگه‌ردنه شوون په‌يوه‌نديه‌يل ژير وه‌ژير ناونى مسر و فره‌نسا.
رووژنامه‌گه ئاماژه وه‌يه‌يش كرد ك راپۆرتيگ تايبه‌ت له‌ى باوه‌ته‌و له 2 ته‌مووز بڵاو كرياگه، ك ئه‌ويش ريككه‌فتن سه‌ردانه فه‌رميه‌گه‌ى محه‌مه‌د زه‌كى وه‌زير وه‌رگرى مسريه ئه‌را پاريس، ك يه‌يش دوياى چه‌ن رووژيگ بوى له سه‌ردانه‌گه‌ى جان ئيف لورديان وه‌زير خارجيه‌ى فره‌نسى بوى ئه‌را قاهيره ك جوور خاسترين وه‌سيتيگه له بوار فرووشتن چه‌ك فره‌نسى له‌وه‌خت فرانسوا ئولاند تائيسه.
