به‌حره‌ين 116 كه‌س ده‌سگير كرد و ئيران وه پشتگيريكردنيان تومه‌تبار كرد
2018-03-04T07:50:00+00:00
شه‌فه‌ق نيوز/ ده‌سڵاته‌يل به‌حره‌ينى ئاشكراى پويچه‌ڵكردن شماره‌يگ له كرده‌وه‌يل تيرۆريستى و ده‌سگيركردن 116 تيرۆريست كرد و ئيرانيش وه پشتگيريكردنيان تومه‌تبار كرد.
له‌ى باوه‌ته‌و، وزاره‌ت ناوخوه‌يى به‌حره‌ينى له به‌ياننامه‌يگ وت: ئه‌و تيرۆريسته‌يل ده‌سگيركرياگه روڵيان جياجيا بويه له پلان و ئاماده‌كردن و جيوه‌جيكردن كاره‌يل تيرۆريستى له‌ناونى جيوازكردن مين و ئه‌نجامداين ته‌قينه‌وه‌و كاره‌يل تر مه‌يدانى، يه‌يش بيجگه ئه‌وه‌گ بڕيگيش له‌ليان وه‌رپرسيارێتى دروسكردن و خه‌زنكردن مادده‌يل ته‌قه‌مه‌نى داشتنه.
جى باسه، به‌ياننامه‌گه هه‌ميش وت: ئه‌و ده‌سگيركرياگه‌يله سه‌ر وه ريكخرياگ ترۆريستيين ك له‌لايه‌ن پاسه‌وان شووڕش ئيرانيه‌ه‌و پشتگيرى له‌ليان ئه‌كريه‌ێد.
