بريتانيا قاپى له‌ڕوى په‌نابه‌ره‌يل به‌ساگه
2016-12-17T21:28:00+00:00
شه‌فه‌ق نيوز/ وه گووره‌ى رووژنامه‌ى ئه‌ندبندنت ئه‌وه ده‌ركه‌فت، پاريزه‌ره‌يليگ ك نوێنه‌رايه‌تى مناڵه‌يل كووچبه‌ر ئه‌كه‌ن له‌وانه‌گ له كه‌مپ كاليه‌ى فره‌نسى نيشتنه، جه‌خت له‌وه كردنه ك ده‌سڵاته‌يل بريتانى داواكارى ئه‌و مناڵه‌يله ره‌ته‌و كردنه ك ئه‌خوازن بڕه‌سنه وڵاته‌گه.
رووژنامه‌گه له زووان ته‌وفيق حه‌سه‌ن نوێنه‌ر نويسينگه‌ى پاريزه‌رى"Duncan Lewis"وت: وه‌گووره‌ى ئه‌و زانياريه‌يله ك وه‌پيمان ره‌سيه، دياره ئه‌و كاره له‌لايه‌ن وزاره‌ت ناوخوه‌يى بريتانى و دسڵاته‌يل فره‌نسيه‌و ئه‌نجام درياگه‌و له‌ى باوه‌تيشه‌و ئاگادار مناڵه‌يل كرياگه ك داواكاريه‌يليان ره‌ته‌و كرياگه.
جى باسه، حسێن باس له‌وه‌يش كرد ك ده‌سڵاته‌يل بريتانى نواگيرى له ده‌يان مناڵ كردگه‌و نه‌يشتگه بچنه ناو خاكه‌يلى.
