باڵوێزخانه‌ى رووسى وه مووشه‌ك بوردمان كريا
2016-12-29T09:09:00+00:00
شه‌فه‌ق نيوز/ روسيا ئاشكراى ئه‌وه كرد ك باڵوێزخانه‌گه‌ى له ديمه‌شق پايته‌خت له‌لايه‌ن ترۆريسته‌يله‌و وه مووشه‌ك بوردمان كرياگه.
له‌ى باوه‌ته‌و، وزاره‌ت خارجيه‌ى رووسى له به‌ياننامه‌يگ ك(شه‌فه‌ق نيوز)ئاگادارى بوى، وت: مووشه‌كيگ له مه‌يدان وه‌رانوه‌ر كومه‌ڵگه‌ى باره‌گاى ئدارى باڵوێزخانه‌گه كه‌فتگه‌و نه‌ته‌قيه، وه‌لێ مووشه‌كيگ تر له‌نزيك ئه‌واكه كه‌فتگه.
جى باسه، به‌ياننامه‌گه ئاماژه وه‌يه‌يش كرد ك ئه‌و هه‌ردوگ مووشه‌كه له‌لايه‌ن تيمه‌يل ئه‌ندازياريه‌و پويچه‌ڵ كريانه، وه‌لێ له هه‌مان وه‌خت باس له‌وه‌يش كرد ك باڵوێزخانه‌گه‌و كارمه‌نده‌يلى هيمان هانه ژير مه‌ترسى هه‌ڕه‌شه‌ى گرووپه‌يل ترۆريستى.
