باوگیگ لەوەر ئاگر دۊیەت خوەی لە قات پەنجەم خەێد و خوەییش لە پشتی

شەفەق نیوز/ گەنجیگ سی ساڵان گیانی لەدەسدا،  دۊیای ئەوەگ دۊیەتەگەی خوەی لە قات پەنجەم لە ناوچەی تاڵبیە لە پارێزگای جیزەی وڵات میسر خستە خوار، لەوەر ئەوە ک ئاگر دەوریان گرد. 

وەچەودیەیلیگ وتن: ژن گەنجەگە لەماڵ وەگەرد دوو کوڕی لەماڵ دەرچگە بازاڕ، و دۊیەت پەنج ساڵای وەگەرد باوگی لەماڵ هیشتنە جی، تا لەبان کەلەمەیگ گلەو ببورن ک شۊیەگەی مرد و دۊیەتەگەی هالە خەسەخانە. 

ئەو باوگە لە بالکۆن شوقەگەی لەناو ئەو بینا هاوار کردگە، وتگە: ئەوەسا دۊیەتەگەم خەمە خوار ئیجا خوەمیشخەم، و خەڵکەگە بڕیگ دووشەک خستنەخە بان زەۊی، و دۊیەتەگە کەفتیەسە بان ئەو دووشەکەیلە و سەری زەخمدار بۊیە و ناجیگرە، باوجی باوگەگە کەفتیەسە بان زەۊیەگە و کوتپڕ مردگە.