بینتاگۆن دڵگرانە چوینکە لە پەلاماردان قونسوڵخانەی ئیران لە دیمەشق ئاگادار نەکریاس
2024-04-12T07:16:09+00:00
شەفەق نیوز/ وەرپرسەیلیگ ئەمریکی، ئمڕوو جمعە، دووپات کردن کە گەورە وەرپرسەیل بینتاگۆن هەس وە دڵگرانی کەن چوینکە ئیسرائیل ئاگادار واشینتن نەکرد وەرجە جیوەجیکردن پەلامارەگەی لەبان قونسوڵخانەی ئیران، وەتایبەتی ئی کارە رخەیل لەبان هیزەیل ئەمریکا لە خوەرهەڵات ناوڕاس دروس کەێد.
سێ وەرپرس ئەمریکی کە وەمەرجیگ ئاشکرای ناسنامەیان نەکریەێد ئەو قسەیلە کردن کە لوید ئۆستن وەزیر وەرگری و چەن گەورە وەرپرسیگ ترەک وتنە بایەس بوی تەل ئەبیب ئاگاداریان بکردیاد وەرجە ئەو گورزە، لەوەر کاریگەری ئەو کارە لەبان هیزەیل و بەرژەوەنیەیل ئەمریکا لە ناوچەگە، وەگورەی بڵاوکردن رووژنامەی واشنتۆن پۆست.
وتیش: ئاگادارکردن وەرجە ئی پەلامارە ری دیادە بينتاگۆن تا هیزەیلی لە ناوچەگە قایمتر بکردیاد، لەوانە کەشتیەیل جەنگی کە وەرگری مووشەکی بار کردنە، تا بتوەنێد مقەیتی ئیسرائیل و هیزەیل ئەمریکا لە هەر وەڵامیگ ئیرانی بکەێد.
یەکیگ لەو سێ وەرپرسە وت: ئۆستن رویوەڕوی گلەیی لە هاوشێوەی ئیسرائیلیی وەزیر وەرگری یوئاف گالانت وە پەیوەنییگ تەلەفۆنی کرد لە ٣ی نیسان.
