بەشار ئەسەد: ئەوەسا تیرۆر وە زوان زوور شکنیمن
شەفەق نیوز/ بەشار ئەسەد سەرۆک سوریا، ئمڕوو یەکشەممە، هەڕەشەی وەکارهاوردن "زوور" کرد ئەرا لەناوبردن "تیرۆر" دا، لە وەختیگ شار حەلەب دویەم گەورەترین شارەیل وڵاتەگە لە دەس هیزەیلی دەرچگ، لە چوارچیوەی پەلاماریگ ناکاوەی وەلایەن باڵەیل چەکدار ئۆپۆزسیۆن.
ئەسەد لە مەوقەی وەرگردن پەیوەندییگ لە وەرپرسیگ ئەبخازی، وەگورەی بڵاوکردن سایت سەرۆکایەتی لەبان تیلیگرام وت: تیرۆر لە ژوان زوور زیاتر نیەفامێد، و ئەو زوانەسە کە شکنێدەی، و لەناوی دەێد هەرکەسیگ لە پشتی وسیاس.
رووژ شەممە، ئەسەد دانوسەنین تەلەفۆنی جیاجیا وەگەرد محمد بن زاید ئال سەرۆک ئیمارات، و محمد شیاع سودانی سەرۆک وەزیرەیل عراق کرد، کە وت: وڵاتەگەی وە دەسمیەتی هاوپەیمانەیلی توانێد تیرۆر بشکێند، هەرچەنیگ پەلامارەیلیان سەختەو بوی.
ئەوەیش یەکەمین قسەی ئەسەد بوی لە وەختیگەو باڵەیل ئۆپۆزسیۆن دەسکردنە پەلاماریگ بیوینە وەبان هیزەیلی تا رەسینە حەلەب و فرۆکەی ناودەوڵەتیی.
روانگەی سوریا، ئمڕوو یەکشەممە وت: ئیدلیب وەتەواوی کەفتە دەس دەزگای ئازادکردن شام، بیجگە چەن ناوچەیلیگ لە خوەرهەڵات ئیدلیب، و شار حەلەبیش کەفتە دەسیان، بیجگە چەن گەڕەکیگ وەدەس کوردە.
