بیسەروشوینی 50 کەس لە فێنزوێلا وە هووکار قویتەکردن زەوی
2022-10-10T07:02:27+00:00
شەفەق نیوز/ لە رویداویگ قویتەکردن زەوی لە باشوور خوەرئاوای کاراکاسی پایتەخت فەنزوێلا 22 کەس گیان لە دەسدان و 50 کەس بی سەروشوین بوی.
دیلسی ڕۆدریگێس، جیگر سەرۆک فەنزوێلا راگەیان، "لەشار تێخیریاس لە باشوور خوەرئاوا شار کاراکاس پایتەخت، وە هووکار قویتەکردن زەوی زەرەد فرەیگ گیانی و ماددی کەفتیەسەو".
وتیش، " تائیسە لە رویداوەگە 22 کەس گیان لە دەسدانە و زیاتر لە 50 کەسیش بی سەروشوین بوینە".
دیاریکرد" وە هاوکاری هیزەیل سوپا دەسکردنەس وە تەقەلاداین ئەرا دراوردن تەرمەیل و زانین چارەنویس بی سەروشوینەیل ".
