بەرزەوبوین ژمارەی قوربانیەگان لە تەقینەوەگەی بەیروت
2020-08-07T17:23:56+00:00
شەفەق نیوز/ حەمەد حسەن وەزیر تەندروسی لوبنان، ئمڕوو جمعە، راگەیان ژمارەی قوربانیەگان تەقینەوەگەی بەیڕووت ئەرا ١٥٤ کەس بەرزەوبوین.
حەسەن وتیش؛ رەوش ٢٠% لە زەخمدارەگان ک ژمارەیان لە ٥٠٠٠ زەخمدار فرەترە، وەناوچگن خەسەخانە خوازێد، و ١٢٠ زەخمدار رەوشیان سەختە.
لە باوەتیگ هاوشیوە، ئمڕوو جمعە، وەرپرسەیلیگ وتن: ئاژانسەیل نەتەوە یەکگرتوەگان تەقەلای فرەیگ دەن لە پێشکەشکردن هاوکاری ئەرا قوربانیەیل تەقینەوەگەی بەندەر بەیروت، ک سیستم چەودیری تەندروسیەگە شیوان، ک خوەی لەوڵاتەگە لاوازە.
قسەکەر وەناو رێکخراو تەندروسی جهانی لە خەوەریگ لەبان ئەنتەرنێت وت: زەرەدەگان لە خەسەخانەگان شەوخەفەیل کەمەوکردن ئەرا ٥٠٠ شەوخەف.
هەمیش تەقینەوەگە ئەمارەیلیگ ویران کرد ک پێداویستیەیل مقەیەتی لە پەتای کۆڕۆنا لەناویان بوی.
