بەرزەوبوین کەمیگ نرخ نەفت وەگەرد وەردەوامی نادڵنیایی لە خوەرهەڵات ناوڕاس

شەفەق نیوز/ نرخ نەفت لە مامەڵەیل شەوەکی شەفەق، ئمڕوو چوارشەممە، بەرزەوبوی لەناوڕاس نادڵنیاییەیل لە باوەت ئەوەگ رویدەێد لە جەنگەی خوەرهەڵات ناوڕاس، پاڵنەربوی لە مەترسی داواکاری بازاڕ ئەرا کەمترین ئاست لە سەرەتای مانگ تشرین یەکەم لە دانشتنەگەی وەرین.

نرخ نەفت خام برێنت وە رێژەی 14 سەنت بەرزەوبوی، کە کەێدە 0.2%، و رەسیە 74 دۆلار و 39 سەنت، تا ساعەت 02:50 وەپای گرێنتش، نرخی بەرمیلیگ نەفت خام خوەرئاوای تەکساس ئەمریکا وە رێژەی 19 سەنت بەرزەوبوی کە کەێدە 0.3% و رەسیە 70 دۆلار و 77 سەنت.

لە رووژ سێشەممە نرخ نەفت زیاتر لە چوار لە سەد داوەزیا ئەرا کەمترین ئاستی لەماوەی دوو هەفتە، لەوەر مەزەنەیل کەمی داواکاری  و لەدویای راگەیان راپۆرتیگ کە ئوشێد؛ ئیسرائیل دەسنیەوەشنێد لە شوینەیل ئەتۆمی و نەفتی ئیران، کە مەترسی پەکخستن دابینکردن داشت، وەرد یە، تا ئیسە رخیگ هەس لەباوەت بەرزەوبوین جەنگ لە ناوەین ئیسرائیل و کۆمەلی حزبولڵای چەکدار کە وەلایەن ئیرن پاڵپشتی کرێد.