بەرزەوبوین قوربانیەیل رووژگگردن ئەرا رەسین وە بەهەشت ئەرا ٣٠٠ کوشیان
پولیس مەزەنە کەێد ئەو تەرمەیلە ک لە نزیک دارسان شاکاهولا لە کناراو زەریای هندی پەیا کریانە، هن لایەنگرەیل پۆڵ نسینگی ماکینزی بوون، ک ئەو کابرا رانندەی تەکسی بوی، و بویە پیاویگ ئایینی، و لە ١٤ی نیسانەو پولیس گردیەسەی.
بڕیارە ماکینزی بکەفێدە روی توومەتەیل تیرۆر لەو باوەتە ک سەرسام ئەو دەوڵەتە لە خوەرھەڵات ئەفریقا کرد.
پولیس کناراو رودا ئونیانشا وت: تا ئیسە شمارەی کوشیاگەیل رەسیە ٣٠٣ کەس، دویای دراوردن ١٩ تەرمەگە.
دامەزرینەر کلیسەی گود نیوز ناودەوڵەتی، لە تەمەن ٥٠ ساڵە، لە ١٤ی نیسان خوەی دادە دەس پولیس، دویای ئەوە ک پولیس تەرمەیل لەناو دارسان شکاهولا پەیا کرد.
لە وەختیگ ک دیارە ئەو کەسەیلە لە ورسگی مردنە، وەلێ بەشیگ لە قوربانیەیل وەتایبەت مناڵەیل کەفتنەسە وەر تاسیان و دەس لەلیان وەشیاگە، وەگورەی قسەی گەورەی پزشکەیل شەرعی لە حکومەت کینیا.
پرسیارەیل فرەیگ پەیا بوی، ک ئایا ماکینزی ک باوگ هەفتە مناڵە، چوین دەسەڵات لەلی ئاگادار نەویە هەرچەن خوەی خاوەن میژوویگە لە رەفتار تونەڕەوی و سکاڵای یاسایی لەبانی توومار کریاگە.
ئەو باوەتە سەرسام خەڵک کینیا کرد و هیشت سەرۆک ویلیام روتو دەسەیگ لێکۆڵینەوە لە مردگەیل و تیمیگ ئەرا دووارە نووڕین وە رێکخستن کار دامەزراوەیل ئاینی دروس بکەێد.
