بەرزەوبوین شمارەی قوربانیەیل زریان ئەرکنساس لە ئەمریکا
2023-04-01T09:57:41+00:00
شەفەق نیوز/ کەناڵ KFSM، خەوەردا لە بەرزەوبوین شمارەی قوربانیەیل ئەو زریانە ک دادە ویلایەت ئەرکنساس ئەمریکا ئەرا ٣ کوشیاگ.
سارە ساندرز خانمە وەرپرس ویلایەت ئەرکنساس وت: ویلایەتەگە کەفتە وەر زەرەدەیل گەورەیگ، لە ئەنجام زریانیگ لە ناوچەی نۆرت لیتڵ روک، ک بویە هوکار زەخمداری ٦٠٠ کەس لەلای کەمەو.
سارە ئامادەباشی لە ویلایەتەگە راگەیان، و پەیمان دا ک گشت چشتیگ ئەرا دووارە ئاوەدانکردن لەدویای ویرانکردن زریانەگە پیشکەش کریەێد.
وەگورەی کەناڵ CBS، کاریگەری فرەی زریانەگە کەفتیەسە ناوڕاس ویلایەتەگە، و فرەگەی لە ناوچەی لیتڵ روک، ک دانیشتگەیل فرەیگ هاناوی، و باس کوشیان کەسیگ و ویرانی ماڵەبل فرەیگ کریا.
فرانک سکوت عومدەی شار لیتڵ روک وت: ٢٤ کەس بریانە خەسەخانە، و داوای دەسمیەتی لە پاسەوان نیشتمانی کریاگە.
وەگورەی رووژنامەی Arkansas Democra، ٥ کەس زەخمەیلیان سەختە.
