بەرزەوبوین ئامار زەویلەرزەگەی میانمار ئەرا زیاتر لە 1700 کوشیاگ و هەزاران زەخمداری

شەفەق نیوز/ حکومەت میانمار، ئمڕوو دووشەممە، راگەیان ئامار قوربانیەیل زەویلەرزە وێرانکەرەگە کە دا لە وڵاتەگە بەرزەوبوی ئەرا زیاتر لە  1700 کوشیاگ، وەرد وەردەوامی ئۆپراسیۆنەل دراوردن تەرمەیل لە ژیر رمیاگەیل.

قسەکەر حکومەت، ئالمیجور جنرال زاومین تون ئەرا تەلفزیۆن "ئێم ئار تی ڤی" حکومی کە ئاژانس شەفەق نیوز دیەسێ راگەیان، هاز زەویلەرەگە رەسیەس ئەرا 7.7 پلە لەبان پەیمانەی رێختەر لە ئەنجام   3400 کەس زەخمداربوی، تا ئیسە 300 کەس دیارنین.

رووژ جومعەی وەرین زەویلەرزەیگ دا لە وڵاەگە، بویە مدوو ویرانکاری فراوانیگ لە ناوچەگە و نایبیداو پایتەخت و شار ماندالای، ودویەم گەپترین شار میانمار، کە ناوەن زەویلەرزەگە لەدیەو نزیک بوی.