بەرزەبوین ئامار قوربانیەیل گەنترین کارەسات سروشتی لە میژوو هاوای ئەمریکا
ئاگرەگە بویە هوکار مەرگبارترین کارەسات سروشتی لە میژوو ویلایەتەگە دویای ئەوەگ وەرجە تسونامییەگەی ساڵ ١٩٦٠ لە دوورگەی گەورەی هاوای کە ٦١ کەس کوشت، دوای چکن هاوای ئەرا ناو ئەمریکا.
وەرپرسەیل باس کردن تیمەیل مینەکردن وە وەکارهاوردن سەگ بوونزان توەنن قوربانی زیاتر پەیا بکەن لەوەر ئەو ئاگرە کە هەزار باڵەخانە کاول کردیە و هەزاران کەسیش ئاوارە بوین، کە هاتێ چەن ساڵیگ و ملیارەها دۆلار خەرجی بچوود تا جاریگتر ئاوەدان بکریەێد.
دویای سێ رووژ لە کارەساتەگە، هیمان ئاشکرا نییە کە ئایا بەشیگ لە دانیشتگەیل وەرجە ئەوەگ ماڵەیلیان بکەفێدە وەر بڵویزەی ئاگرەگە، هویچ ئاگادارکردنیگ وەپیان نەڕەسیە.
دوورگەگە ئاگادارکەر هاناوی ئەرا ئاگادارکردن لە کارەسات سروشتی و هەڕەشەیل، بەڵام دیارە لە مەوقەی ئاگرگە دەنگیگ لەلی نەهاتیە.
جۆش گرین، پارێزگار هاوای ئەرا ئاژانس سی ئێن ئێنی وت: "شەوەکی ئمڕوو رینمایل گشتگیر دامە تا وە تەواوی بزانیمن چە بویە و کەی بویە".
زانایل ئویشن ئاڵشتبوین کەشوهەوا ئی سیمای کەشوهەوا دووارەو کەێد.
