ئاوڵەی مەیمون رەسێدە رووسیا
2022-07-12T11:23:24+00:00
شەفەق نیوز/ ریخریاگ رۆسپۆرت ریبنادزور، ئمڕوو سێشەممە، وت: رووسیا یەکەمین تویشهاتن وە ئاوڵەی مەیمون توومار کرد.
ریخریایەگە لە بەیاننامیگ وت: بیماریەگە لەلای گەنجیگ ئاشکرا کریا، ک لە دەوڵەتیگ ئەورپایی گلەو خواردیە.
وتیش: رخ لە تویشهاتن کەسەیلیگ تر کەمە.
ئاوڵەی مەیموون، بیماری ڤایرۆسیە نشانەی جویر ئینفلاوەنزا بوود و دومەڵ لە پووس دروس کەێد، و لە چەن وڵاتیگ لە خوەرئاوا و ناوڕاس ئەفریقا جیگر بویە.
