پیاویگ شکەنجەی برا بویچکەگەی تا مردن دەێد

شەفەق نیوز/ پۆلیس سوریا لە ناوچەی بوکەمال، کابرایگ دەسگیر کرد ک زڕ برای ١٥ ساڵان خوەی کوشتگە، دویای شکەنجەی سەختیگ، وەبەشداربوین داڵگی (باوەژن قوربانیەگە).

وەگورەی بەیاننامەی ناوخۆ لە بان ماڵپەڕ خوەی لە فەیسبووک: ئاگادارییگ رەسیە پۆلیس بوکەمال گوایە کابرایگ وەگەرد ژنیگ مردگیگ وەشیوەی ناسرووشتی ئەرا ناخاڵەی ١٥ ساڵانیگ ئەرا پزشک دادوەری هاوردنە، و ئیجا واینە.

و دەرکەفت ک تەرم ناخاڵەگە نشانەی شکەنجە ها پیەو، و دویای مینەکردن خەسیگ وە شوون گومانلیکراگەیل، و لێکۆڵینەوە وەگەردیان، برای قوربانیەگە ئاشکرای شکەنجەکردن (حمود) قوربانیەگە و (ئەحمەد) ١١ ساڵان برای،  وەهاوبەشی  داڵگی وەرجە سێ رووژ کرد، وەدەسپیچگ ناکۆکیەیلیگ خیزانی وەگەرد باوەژنەگە، و وەبەهانەی سڵا نەکردنی.

وتیش؛ وە هاوبەشی داڵگی، قوربانیەگە و براگەی وە پەتیگ بەسانە، و وە داریگ لە گشت شوونەیل لەش قوربانیەگە دانە، ئیجا لەش قوربانیەگە وە نەفت و بەنزین خویساننە، و سزاننەسەی تا گیانی دەرچگە، و ئەو براگەی وەبەسیاگ لەناو ماڵەگە هیشتنەسە جی، و هەنای تەرمەگەی ئەرا یەکیگ لە کلینەکەیل پزشکی بردنە، ئیجا زاتستنە ک ئەیە کلینک پزشک دادوەریە، و واینە.