پانزە گورز ئەمریکی بەریتانی لەبان ئەنسارولڵای یەمەن

 وەرپرسیگ لە دەسەڵات  پارێزگای حدەیدە راگەیان: “چەکدارە ئەمریکی و بەریتانیاییەیل 11 هەڵمەت لەبان پارێزگای حدەیدە جیوەجی کردن، کە وە 8 گورز لەبان ناوچەی ڕاس عیسا لە قەزای ئەلسەلیف لە باکوور شار حدەیدە بەشەو بوین، و دوو هەڵمەتیش ناوچەی ئەلزەیدیە لە باکوور خوەرهەڵات حدەیدە و ناوچەی ئەلهاوک لە باشوور شاری حدەیدە کردە ئامانج.".

 ئەو وەرپرس یەمەنییە ئەرا ئاژانس سپۆتنیکی ڕووسی وتیش: ئاسمان پارێزگای حدەیدە کەنار دەریایل لەبان دەریای سوور باڵگردن چڕ و پڕ فڕۆکەی جەنگی و فڕۆکەی سیخوڕی وەخوەی دوینێد.

 لە چوارچیوەیگ پەیوەندیدار، سەرچەوەیگ ناوخۆیی لە پارێزگاری سەعدە، کە قەڵای گرووپ “ئەنسار الله” (باکوور خوەرئاوای یەمەن)، راگەیان کە “چەکدارەیل ئەمریکی و بەریتانیا ٣ پەلامار لەبان شوینە سەربازییەیل ئەو گرووپە لە ناوچەی باقم لە باکوور سەعدە جیوەجی کردنە، لە وەختیگ هەڵمەتیگ ترەک کەمپیگ لە خوەرهەڵات شار سەعدە کردە ئامانج.”

 لەلای خوەییش گرووپ "ئەنسار الله" ئەو گورزەیلە ئیدانە کرد و وە "پێشێلکردن یاسا ناودەوڵەتییەیل و ئامانجەیل پەیماننامەی نەتەوە یەکگرتگەیل زانست و واشنتۆن و لەندەن وە وەرپرسیار زانست لە هەڕەشەکردن لە کەشتیوانی لە دەریای سوور و عەرەبی.

 وەزارەت دەرەوەی حکوومەت سەر وە گرووپ "ئەنسار الله" لە بەیاننامەیگ کە ئاژانس "سەبا"ی یەمەن لە شار سنە کە لەلایەن ئەو گرووپەو وەڕیەو چوود راگەیان کە "وەردەوامی دەستدرویژی ئەمریکی- بەریتانیا وینەیگ تون نیشان دەێد لە شکست ئەنجومەن ئاسایش لە جیوەجیکردن وەرپرسیارێتیەیلی لە مقیەتیکردن ئاشتی و ئاسایش ناودەوڵەتی و مقیەتیکردن هاوڵاتیەیل مەدەنی، لە ژیر رووشنایی پێکهاتەی ئیسەی ئەندامێتی ئەنجومەن  ئاسایش کە هەڕەشە لە رمیان تەواوەتی سیستەم نەتەوە یەکگرتگەیل کەێد."

 لە بەیاننامەگە وتیش: دەسدرویژی ئەمریکا و بەریتانیا وەبان کۆمار یەمەن ئەرا سڕپووکردن هەمیشەیی تاوانەیل جەنگ و جینۆساید تیەێد کە لە لایەن دوژمن زایۆنی لە دژ هاووڵاتیەیل مەدەنی فەلەستینی لە کەرت غەززە ئەنجام دریاس.

 لە بەیاننامەگە  وتیش:  

 "کۆمار یەمەن لە دەسدرویژیی ئەمریکا و بەریتانیا لە درویژەدان وە ئەرکە مرۆیی و ئەخلاقییەگەی وەرانوەر گەل فەلەستین، بیدەنگ نیەوود".

  سەرچەوە: سپۆتنیک