ئامار کوشیاگەیل ئیسرائیل و وەزیر وەرگیریان باس پەلاماردانەیل هشکایی کەێد
2023-10-11T07:34:10+00:00
شەفەق نیوز/ پێگەی " واینت" ئیسرائیلی، ئمڕوو چوارشەممە، ئامار کوشیاگەیل ئیسرائیل راگەیان لە ماوەی رووژ شەممەی وەرین تا ئیسە، بەرزەوبویە ئەرا 1200 کەس بیجگە لەوەگ 200 ئیسرائیلی رفگیانە.
رووژنامەی یەدیعوت ئەحرونوت عیبری راگەیان، 350 ئیسرائیلی خانەوادەیلیان خەوەر لە گومبوینیان دانە لە سەرەتای جەنگەگەو تا ئیسە.
وەزیر وەرگیری ئیسرائیلی یەواف غالانت راگەیان، پەلامارەیل تونیگ وەبان غەزە کریەد کە ئۆپراسیۆنەیل هشکایی گرێدەخوەی لەناوڕاس پەلامارە یەک لە دویای یەکەیل سوپا وەبان کەرت ناخڵەدریاگ.
غالانت قسەکەر سەربازەیل نزیک پەرژین غەزە راگەیان: حەماس تواد ئاڵشتکاری بکەێد و وەدەسی تێرد، تا ئیسە لە غەزە بوينی نییە.
وتیش: " پەلامارداین لەری ئاسمان دەسوەپی کردیە، دویاییش لەری زەوی، لە دویەم رووژەو کۆنترۆل ناوچەگە کردیمنە و ئیمە لە پسای پەلاماردانین".
