ئامار کۆڕۆنا لە جهان لە ١٣٠ مەلیۆن تووشهاتن رەد کەێد
![ئامار کۆڕۆنا لە جهان لە ١٣٠ مەلیۆن تووشهاتن رەد کەێد](https://arcellabucket.fra1.cdn.digitaloceanspaces.com/media/arcella/1617518265949.jpeg)
شەفەق نیوز/ ئامار تووشهاتنەیل ڤایڕۆس کۆڕۆنا لە جهان لە ئاست ١٣٠ مەلیۆن رەد کرد.
زانیاریەیل زانکۆی جۆنز هۆبکنز ئەمریکی خەوەردان ک ئامار تووشهاتنەیل وە ڤایڕۆس کۆڕۆنا لە جهان تا ئیسە رەسیە ١٣٠٦٤٣٥٧٩ ، لەلیان ٢٨٤٤٨٠٧ مردنە، وە رێژەی ٢،١٨٪.
ئەمریکا هالە پلەی یەکەم لە جهان ک تووشهاتەیلی رەسیەسە ٣٠٦٦٨٨٢٦ ، ئیجا بەڕازیل لە پلەی دوویەم وە ١٢٩٥٣٥٩٧ تووشهاتن ، و ئیجا وڵات هیند وە ١٢٣٩٢٢٦٠ تووشهاتن.
ئەمریکا هەمیش لەلایەن ژمارەی قوربانیەیل پەتاگە هالە پلەی یەکەم وە ٥٥٤٧٧٩ مردن، و بەڕازیل وە ٣٣٠١٩٣ مردن هالە پلەی دوویەم، ئیجا مەکسیک لە پلەی سێیەم وە ٢٠٣٨٥٤ مردن.