ئامار قوربانیەیل پەلامارەگەی ئیسرائیل وەبان کەمپ مەغازی بەرزەوبوی ئەرا 51 قوربانی
2023-11-05T07:25:02+00:00
شەفەق نیوز/ ئاژانس خەوەری فەلەستینی (وەفا) راگەیان 51 کەس کە فرەیگیان ژن و مناڵن گیان لە دەسدان و دەیان کەسیش زەخمداربوین لە پەلامارداین ئیسرائیل وەبان ماڵەیلیان لەناو کەمپ مەغازی لەناوڕاس کەت غەزە، لە دویەشەو شەممە.
ئەشرەف قودرەت قسەکەر وەزارەت تەندروسی وت، " مەردم فرەیگ لە پەلامارەگەی بان مەغازی گیان لەدەسدانە" وەبی ئەوەگ شمارە بدەێد".
دیاریکرد " شمارەیگ فرە زەخمدار لەبان زەوی بەش فریاکەفتن کەفتنە".
دووپاتکرد " فرەیگ لە زەخمدار و کوشیاگەیل ژن و مناڵن".
