ئامار قوربانیەیل زریان هێلین لە ئەمریکا رەسێدە ٩٣ کەس

شەفەق نیوز/ شمارەی کوشیاگەیل لەئەنجام زریان هێلین کە ویرانکاری فرەیگ وە بەشیگ خوەرهەڵات و باشوور خەەرهەڵاتی ویلایەتە یەکگرتگەیل ئەمەریکا رەسی،  لەلای کەمەو ئەرا 93 کەس بەرزەو بوی، وەگورەی قسەی ئەوەی دەسەڵاتدارەیل  وەردەوامن لە گەردین وەمینەی قوربانییەیل، 37 کەس مرد، لوناویان 30 کەس لە ناوچەگە وەتەنیا، 25 کەس لە کارۆلینای باشوور، 17 کەس لە جۆرجیا، دوو کەس لە ویلایەت تێنسی و یەکیگیش لە ڤێرجینیا.

 ئاژانس فرانس پرێس وە پشتبەسبن وە قسەی دەسەڵاتداراەیل ناوخۆیی، ئبوارەی پێنجشەممە، زریانیگ پلەی چوارەم وە پەیمانەی پەنج پلە رویدا کە وەگەردی تونی وا رەسیە 225 کیلۆمەتر لە ساعەتیگ، تونیەگەی کەمەە بوود و ویرانکارییگ فراوان وەجی هیشتیە، و کامالا هاریس و دۆناڵد ترەمپ کاندیدەیل ئەمریکا ئەرا سەرۆکایەتی ئەمریکا راگەیانن کە وەی زویە وەرەو ناوچە زیانلیکەفتگەیل پن، جۆ بایدن رووژ شەممە وت: “فرە دڵتەنگم وە لەدەسدان ژیان و ویرانکارییەیل لەوەر زریان هێلین”.

وتیش: "ری خاسەوبوین درویژەو بوود، کامالا هاریس، کاندید دیموکراتەیل و جیگر سەرۆک ئەمریکا، رووژ یەکشەممە لە ناو گردەوبوین هەڵوژاردن لە لاس ڤێگاس دووپات کرد کە "ئیمە دەسمیەتی ئەو ناوچەیلە دەیمن تا ئەوەی دڵنیابەیمن لەوە کە بتوەنن دووارە هەڵسن".

 دۆناڵد ترەمپ کاندید کۆمارییەیل، رووژ دووشەممە وەرەو شار ڤاڵدۆستا چوود، لە جۆرجیا کە لەوەر زریانەگەو زیان فرەیگ وەپی رەسیە، ریەیل بڕیانە و زریانەگە زیان ماددی فرەیگ لەلی کەفتەو.

دایان کریسوێڵ لە دەزگای بار نائاسایی فیدراڵی لە بەیاننامەیگ ئەرا تەلەفزیۆن سی بی ئێس وت: "ژیرخانەیب زیان وەپییان رەسیە لە ئاست تووڕەیب ئاو، پەیوەندی، و ریوبان، و فرەیگ لە ماڵەیل"، ئاشکرا کرد کە گەردین وەمینەی قوربانییەیل وەردەوامە لە ویلایەت کارۆلینای باکوور، بەشیگ ناوچە وە سەختی مەننە، و لە ری هێلیکۆپتەر ئەرایان رەسن، وەقسەی کریستین وایت لە وەزارەت گواستنەوە، چوار  ریوبان نیشتمانی لە ناوەین کارۆلینای باکوور و تێنسی بەسیانە.

ویلایەت ئەلاباما، فلۆریدا، جۆرجیا، کارۆلینای باکوور، کارۆلینای باشوور و تێنسی بار نائاسایی فیدراڵی راگەیانن و زیاتر لە 800 کارمەن کلکریانە، و دەزگای فیدراڵی ئەرا وەڕێوەبردن کارەساتەیل هیمان لە بەشیگ ناوچەیل خوەرئاوای کارۆلینای باکوور کەفتنەسە رخ رمیان بەنداوەیل، وەگورەی وەڕێوەبەر خزمەتگوزاری کەشوهەوای نیشتمانی کێن گراهام نزیکەی 2.2 ملیۆن ماڵ وەبی کارەبا مەننە.

وەگورەی ماڵپەڕ "Power Output" خاچ سوور چەودیاری هەزاران کەس کەێد ئی ریخریاگە راگەیان کە تیمەیل فریاگوزاری کارکەن ئەرا گلەوداین کارەبا و نواگیریکردن کاردانەوەی ئەو لافاوەیلە کە ماڵ و ری و فرۆشگایل ویران کردگە.

ستیڤن مۆرۆ، خەڵک شار ڤاڵدۆستا لە جۆرجیا، وت: "تەنها چەن شوینیگ بازرگانی وازە."،  من نیگەرانم لەو خیزانەیلە کە مناڵ دیرن." 

کەسیگ ترەک وت "کێشەی سەرەکی کارەباس"، وتیش؛ بایڵسل خەڵک لەماڵ بمینن چوینکە "ترافیکلایتەیل لە کار کەفتنە".

 لە دوورگەی سیدار کیس کە شمارەی دانیشتگەیلی نزیکەی ٧٠٠ کەسە و کەفێدە کەنارەیل خوەرئاوای فلۆریدا قەواسەی ماڵەیل لە ریشەو هەڵکەنیانە و دیوارەیلیش ویران بوین.

 گەیب دۆتی، ئەرا ئاژانس فرانس پرێس وت: هەناێ یە دوینم دڵم شکێد” و ئویشێد “فرە ماڵ نەمەن، بازاڕ و پۆستەخانەيش نەمەن.”  "ئەوە کارەساتیگ راسیە و دووبارە بیناکردنی قورسە".