ئامار رخبەریگ وە زەردەیل تورکیا لەو زەویلەرزەی مەرگبارە
2023-02-13T11:09:51+00:00
شەفەق نیوز/ یەکیەتی کۆمپانیا و کاروبار بە تورکیا، دووپات کرد ک بڕ ئەو زەرەدەیلە لە ئەنجام ئەو زەویلەرزەی گەورە ک دادە وڵاتەگە، و بویە هوکار کوشیان زیاتر لە ٣١ هەزار کەس تەنیا لە تورکیا، هاتێ لە ٨٤ ملیار دۆلار زیاتر بوود، ک رەسیە ١٠ لەسەد لە گشت بەرهەم وڵاتەگە.
وەگورەی بەیاننامەگە، ئەو زەویلەرزەی مەرگبارە بایی ٧٠.٨ ملیار دۆلار بینا رمانیە، وەگەرد ١٠.٤ ملیار دۆلار لە داهات نەتەوەیی.
یەکیەتی کۆمپانیا و کاروبار وتیش: زەرەدمەنی هاز کارکەر هاتێ ٢.٩ ملیار دۆلار زەردە بەێدە ئابووری تورکیا، ک زەویلەرزەگە دادە ١٠ ناوچە و کاریگەری سەختیگ لەبان مەلیۆنا کەس لەتورکیا داشت، و هەمیش لە ناو سوریای هاوسا.
هەژمارەیل یەکیەتی کۆمپانیاگە پشت وە ئامار زەویلەرزەی ساڵ ١٩٩٩ بەساد، ک نزیک بوی لە ئیستەنبوڵ، و بویە هوکار کوشیان نزیکەی ١٨ هەزار کەس، ک ئامار ئی کارەساتە لە زەویلەرزەی ١٩٩٩ فرە زیاتر بوی.
بەیاننامەگە مەزەنە کرد زەردەیل بینا ژیرینەیل جویر ریوبان و تووڕەیل کارەبا و خەسەخانە و مەکتەوەیل رەسێدە زیاتر لە ٥.٤ لەسەد لە بەرهەم ناوخوەیی لەی ساڵە.
