ئامێرەیلیگ تەقەمەنی و زەخمداری وە گولە لە نیویۆرک.. ڤیدیۆ
شەفەق نیوز/ چەن کەسیگ لەناو ویستگەی قەتار تونێل لە ناوچەی برۆکلین لە شار نیویۆرک ئەمەریکا، ئمڕوو سێشەممە، کەفتنە وەر گولە، وەگورەی خەوەر رووژنامەی "نیویۆرک تایمز" لە زوان وەرپرسەیلیگ.
رۆیتەرز لە زوان میدیایل راگەیانن ناوخوەیی وت" دەسەڵاتەیل ئامێرەیلیگ تەقەمەنی پەیا کردن.
خانمە قسەکەر وەناو پۆلیس ئەرا رووژنامەی " نیویۆرک تایمز" وت: ئەندامەیل پۆلیس لە ساعەت هەشت و نیم شەوەکی سێشەممە رەسینە جادەی ٣٦ دۊای داواکردن فریاکەفتن لە ویستگەگە، و هەمیش راپۆرتەەیلیگ لە هەڵسیان دۊکەڵ لەناو ویستگەگە کەفتە دەسیان.
وەگورەی "سی ئێن ئێن" ١٣ زەخمدار رەسینە خەسخانە، و سەرچەوەیلیگ ئەرا تووڕ ئەمریکی وتن: پەنج کەس کەفتنە وەر تەقەکردن، و وەکوتپڕ شیوەی زەخمەیلیان دیار نەۊە.
پۆلیس نیویۆرک لەبان تویتەر دووپات کرد ک هۊچ ئامێرەیلیگ تەقەمەنی لەی رۊداوە نییە. وتیش: لەباوەت زەخمداری چەن کەسیگ وە گولە لە ویستگەی جادەی ٣٦ لە برۆکلین، هۊچ ئامێریگ تەقەمەنی لەی وەختە نییە.
پۆلیش لە پۆستەگەی داوا لە وەچەودیەیل کرد ئێفادەی خوەیان بیەن. دەسەڵاتەیلیش داوای دۊرکەفتن لە ناوچەگە کردن، و وتنیش؛ زانیاری زیاتر لە وەخت رەسینیان بڵاو کەن.
خانمە حاکم نیویۆرک کاتی هوشول، ک تۊش کۆڤید-١٩ هاتگە، لەبان تویتەر دووپات کرد: خەوەر ئەو رەوشە لە برۆکلین وەپی رەسی.
