پاكستان.. لافاو گیان 299 کەس سینێد 140 مناڵ هاناویان

شەفق نيوز- ئیسلام ئاباد

دەسەڵاتەیل پاکستان، ئمڕوو یەکشەممە، کوشیان 299 راگەیانن، 140 مناڵ هاناویان، لە ئەنجام ئەو لافاوەیل سەختە کە لە دویادویای حوزەیران گوزەشتەو وڵاتەگە داگیر کردگە، لەوەر وارانەیل وەرزی رفتیگ.

 تەلەڤزیۆن پاکستان فەرمی لە زوان دەسەی وەڕیەوبردن کارەساتەیل وت: 715 کەس وە لافاوەیل زەخمدار بوینە، بیجگە زەردبوین 1676 ماڵ، 562 لەلییان وەتەواوی  کاول بوین.

وتیش 2889 کەس لە ناوچەیە لافاوەیل دەرکریانە، وەگەرد وەردەوامی کارەیل رزگارکردن و دەسمیەتیەیل مرۆیی. 

ساڵانە وارانەیل وەرزی کە لە حوزەیران تا ئەیلوول لە باشوور ئاسیا وەردەوامە، کارەساتەیل سروشتی فراوانیگ لەلییان بوودەو.