ئاسایش ئیسرائیل ٦ کەس لە داعش دەسگیر کەێد
شەفەق نیوز/ دەزگای ئاسایش گشتی ئیسرائیل (شاباک)، ئمڕوو یەکشەممە، ئاشکرای دەسگیرکردن شەش هاووڵاتی خەڵک شار ناسرە وەرجە چەن رووژیگ کرد، وە توومەت لایەنگری ریخریاگ داعش.
دەزگاگە لە بەیاننامەیگ وت: لە لێکوڵینەوە وەگەردیان دەرکەفت ک گومانلیکریایەیل گردەو بوینە و پلان جیوەجیکردن پەلامارەیل دانانە.
ئامانج سەرەکی لە پەلاماریان مەکتەویگ ناوەندی ئیسلامی بویە لە ناسرە، ک وەگورەی قسەی تووماتبارەیل کار ئەرا کافرەیل کەێد، ک ئەوانە پلان دانانە زەرەد وە دامەزراویگ فێرکردن دانانە، وە خوەنەوار و مامووستا وکارمەنەیلی وەهەر شیوەیگ بویە.
لە لێکۆڵینەوە دەرکەفت ک هەمیش پلان پەلامارەیلیگ جیاجیا دانانە، و لە خود وەختەگە کار ئەرا دیاریکردن ئامانجەیل پەلامارەگە کردنە، جویر ویستگەی پاسەیل قەرەباڵغیگ لە شاریگ باکوور وڵاتەگە، و بنکەی پۆلیس لە نزیک ماڵ خوەیان، و لەبان دارسانەیلیگ ک یەهودیەیل لەناوی سەیران کەن.
