کار رخبەریگ لە سویسرا.. کەسەیل خیزانیگ لە قات هەفتەم خوەیان خەنە خوار
شەفەق نیوز/ سویسرا، رووژ پەنجشەممەی گوزەشتە، کار رخبەریگ وەخوەی دی، هەنای پەنج کەس لەیەک خیزان خوەیان لە قات هەفتەم لەیەکیگ لەبینایلە خستنە خوار.
رووژنامەی "لۆدمۆند" فەرنسی باس ئەوە کرد ک ٥ کەس لە خیزانیگ فەرنسی، یەک لەشۊن یەک لە بەرزی ٢٠ مەتر کەفتنە خوار، ئەوەیش لە شار مۆنترو خوەرئاوای سویسرا.
وتیش: کەسەیل خیزانەگە گشتیان مردن، بیجگە کوڕیگ ناخاڵە، ک هیمان بیهووشە. وەچەودیەیلیگ باس کردن ک شەوەکی زۊ، لە پەنجەرەی ماڵەگە، داڵگیگ و خوەشک لفانەی (٤١ ساڵان) خوەیان خستنە خوار، و دۊای پەنج خولەک باوگەگە (٤٠ ساڵان) و کوڕەگەی (١٥ ساڵان) ئیجا دۊتەگەیان (٨ ساڵان) خوەیان خستنە خوار.
رووژنامەگە دیاری کرد ک پۆلیس لێکۆڵینەوە لە "خوەیکوشتن خیزانی" کەێد، چۊنکە هۊچ بەڵگەی مرافەیگ لەناو ماڵەگە دیار نییە.
پۆلیس ئومید دیرێد ئەو کوڕ ناخاڵە باێدە هووش تا راسیەگە ئاشکرا بکەێد.
