هەشت ئادار.. رووژ جەهانی ژنەیل

دیارکردن 8مارس جویر رووژ جەهانی ژنەیل، چوودەو ئەرا چالاکی شمارەیگ لە ژنەیل ئەمریکی ک زیاتر لە 160 ساڵ وەرجە ئیسە رویدایە.

لەساڵ 1856 هەزاران ژن لە نیویۆرک ئەمریکا ک لە کارگەیگ چنین کارکردن وە هووکار نایەکسانی کار و مووچە ریپێوانیگ سازکردن و نارەزایی نیشاندان.

داواکاری  ژنەیل یەکسان کردن ساعەتەیل کارکردن کرای کارکردنیان بوی وەگەرد پیاوەیل، ک لە ئەو مەوقە ساعەتەیل کارکردن و کرای ژنەیل کەمتر بوی.

لە دویای 50 ساڵ لە 8 مارس 1908 ژنەیل کارگەی چنین لە نیویۆرک وەگەرد یادکردن رووژەگە جاریگتر خوەنیشاندان کردن دژ وە کارکردن و فرە و چەوسانن و مووچەی کەم سەرۆک کارگەگە تا ریگری لەلیان بکەێد دەر کارگەگە لەبانیان بەسێد وە هووکار نادیاریگ ئاگر هیز گرێد لە کارگەگە بەشیگ فرە لەو ژنەیلە گیان لە دەس دەن.

دویای رویداوەگە ساڵانە وەلایەن ئەمریکا یاد ئەو رووژە کریا، تا لە ساڵ 1975 وە فەرمی رووژەگە بویە رووژیگ جەهانی و نەتەوە یەکگرتگەیل جویر رووژ جەهانی ژنەیل دان وەپی نان.