ڤاتیکان دووپات کەێد تەندروسی پاپا فرانسیس ئارامە

شەفەق نیوز/ پزشکەیل و نویسنگەی ڤاتیکان، ئمڕوو یەکشەممە، دڵنیایی کردن کە تەندروسی پاپا فرانسیس ئارامە، لە وەختیگ هوچانیگ بەێد و لە خەسەخانە پەسا لە هەوکردن سویە خاسەو بوود.

پاپا دووارە لە نماز نیمەڕوو هەفتانە دیاری نەوی، و ئەرا سێیەم گلە لەبانیەک مەوقەی پیشکەشکردن نمازەگەی  هەڵوەشانەو.

ڤاتیکان لە ئۆبدێت نووی وت، ئمشەو شەویگ ئارام بوی، پاپا هیمان هوچان بەێد.

پاپا زیان لە یا بەرزەوبوین شمارەی خانەیل خوین نەیاشتر کە بوونە نشانە کە لەشی هیمان جەنگ وەرد بیماری کەێد. 

دویەکە شەممە، پزشکەیل وتن: تەندروسی پاپای ڤاتیکان (88 ساڵە) ئارامە، وەلێ باسکردن سەختییگ لە تەندروسیی، و دووارە وتن لەپسا خاسترەو بوود.

هەڵسەنگاندن پزشکەیل کە گەشبینی دیرێد، دویای یەی رووژ تیەێد لە قەیرانیگ هەناسەدان لەلای پاپا کە خستەی ژیر ئامێر هەناسەدان دەسکرد.