کابرایگ ئیرانی سەر ژنەگەی بڕێد

شەفەق نیوز/ دو برای ئیرانی تاوان خوەیان ئاشکرا کردن، وەسەربڕین ژن یەکیگیان. 

ئەو دو پیاوە، لە شار ئەهواز، دۊای ٤ ساعەت لە تاوانیان دەسگیر کریان.

پارچە ڤیدیۆیگ لەبان ماڵپەڕەیل پەیوەندییە کۆمەڵایەتییەکان، نشان شۊەگە دا هەنای چەقو گەورەیگ گردیەسە دەس، و سەر ژنەگەی تەمەن ١٧ ساڵان ها ئەو دەسەگەی.  

دیارە ئی تاوانە لەوەر گرفتەیلیگ خیزانی بۊە، ک راپۆرتەیلیگ باس وایین قوربانیەگە ئەرا تورکیا کردن، و دۊای گلەوخواردنی ئەرا ئیران شۊەگەی کوشتەی. 

وەرجەیە، دەسەڵاتەیل ئیران بڕیار بەسیان ئاژانس خەوەری "رکنا" دان، جۊنکە پارچە ڤیدیۆیگ بڵاو کردنە، نشان ئەو پیاوە دەێد هەنای سەر ژنەگەی گردیەسە دەسی و لەجادەیل شارەگە گڕی دەێد.