کابرایگ دویای مردن داڵگی وە چەقوو زەخمدار کادرەیل خەسەخانەیگ لە ئوردن کەێد
2022-09-12T11:57:05+00:00
شەفەق نیوز/ چەن کەسیگ لە کادرەیل خەسەخانەیگ حکومەتی لە باکوور ئوردن، کەفتنە وەر زەخم چەقوو گەنجیگ دویای خەوەر مردن داڵگی ک لەناو خەسەخانەگە بوی.
هەنای کادرەگە ئاگادار ئەو گەنجە کردن ک داڵگی گیانی لەدەسدا، برایلی ئامێر ژوور چەودیری هویرد شکانن، ئی برای گەنجیانە کەفتە شوین دوو ئەندام ئەمنی وە چەقوو زەخمداریان کرد، و هەمیش دوو کادر تەندروسی لەناو خەسەخانەگە زەخمدار کرد.
هەرلیوا، سەرچەوەیگ لە خەسەخانەی یەرموک لە پارێزگای ئیربد وت: ئەو خانم بیمارە رەسیە خەسخانە و گومان لە مردنی بوی، باوجی کادرەگە کار ئەرای کردن و دووارە زنیەو بوی.
دویای ئەوە، ژنەگە خریا بەش چەودیری هویرد، باوجی دووارە دڵی وسیا و گیانی لەدەسدا.
