ژاپۆنیەیل لە رخ زەویلەرزە خوەراک خەنە پشتدەس
2024-08-10T12:57:05+00:00
شەفەق نیوز/ ئاژانسەیل خەوەری ژاپۆنی باس لەوەکەن، ژاپۆنیەیل دەسکردنە وە هەڵگردن خوەراک لە ماڵەیلیان و دەسڵاتدارەیلیش داوا لەلیان کەن ئەو کارە نەکەن هەوەجە وە کوو کردن خوەراکیگ زیاتر نیەکەێد.
یەیش لەدویای ئەوە هات، هووشداری دریا لە رویدا زەویلەرزەی توونیگ وەلایەن ئاژانس کەشناسی وڵاتەگە لەدویای زەویلەرزە توونەگەی رووژ پەنجشەممە، کە هازەگەی 7.1 پلە وەبان پەیمانەی رێختەر بوی بویە هووکار مردن 14 کەس.
ژاپۆن یەکیگە لەو وڵاتەیلە فرەترین زەویلەرزە لەناوی رویدەێد لە هەر سەدەیگ یا دوو سەدەیگ رویوەروی زەویلەرزەیگ ویرانکەر بوون، کە هازەیلیان ها بان 8 پلە.
