ژاپۆن: دوو ساڵ تواێد ئەرا پاکەوکردن وەجیماگەی ماڵ و باڵەخانە رمیاگەیل
2024-02-06T12:19:35+00:00
شەفەق نیوز/ وەرپرسیگ لە پارێزگای ئیشیکاوای ژاپۆن ئاشکەرایکرد زەویلەرزەگەی 1 کانوون دویەم 2024 کە ناوچەی نۆتۆ گردەو بویە مدوو رمیان 50 هەزار ماڵ و لاوردن ئەو وەجیماگەیلە دوو ساڵ وەپی چوود.
هیرۆشی هاسێ، وەرپرس پارێزگای ئیشیکاوای ژاپۆن لە کۆنگرەیگ رۆژنامەوانی باس لەوەکردیە؛ "قورتاربوین لە کاریگەریەگان زەویلەرزەگە گیچەڵ فرە جدییگە، هەوەجە وە پلانیگ کەیمن چوین و لە چ قۆناغیگ وەجیماگەیل باڵەخانەیلە و ماڵە رمیاگەیل لابوەیمن".
ئاشکەرایکرد "زەویلەرزەگە نزیکەی دوو ملیۆن و 400 هەزار تەن وەجیماگە وەجیهیشتیە کە هاوتای قەبارەی وەجیماگەی گشت پارێزگای ئیشیکاواس لەماوەی نزیکەی هەفت ساڵ".
وەپای مەزەنەیل ئیشیکاوا لاوردن گشت ئەو وەیماگەیلە دوو ساڵ تواد و تا مانگ ئازار 2026 تەواو نیەود.
