ژاپۆن بویە پەنجەمین وڵات سەرکەفتی لە نیشتنەوە وەبان مانگ
2024-01-28T07:08:41+00:00
شەفەق نیوز/ ئاژانس مینەکردن ئاسمانی ژاپۆن بڵاویکردیە، کەشتیگ ئاسمانی ئەرا بان مانگ کلکردیە، دویای ماوەیگ لە نیشتن وەبان مانگ توەنستنە پەیوەنی وە کەشتیەگە بکەن، ئیەش ئەرا یەکەمین جارە ژاپۆن سەرکەفتی بوود لەنیشتنەوە وەبان مانگ.
ئاژانس مینەکردن ئاسمانیی ژاپۆن بڵاوکرد، کەشتییگ ئاسمانییان لە جویر "ئێس ئێل ئای ئێم " ئەرا بان مانگ کلکردنە و لەدویری ٥٥ کیلۆمەتر لە خوەرهەڵات ئەو خاڵە نیشتیەسەو پلان ئەرای دانریاوێد.
کەشتیەگە وە پیچەوانەو نیشتیەسەو بویەسە مدوو ئەوەگ نەتوەنێد وزەی کارەبا وەربگرێد، بڕیگ لە سیستەم کەشتیەگەیان کوڕەو کردنە ئەرا پاشەکەوتکردن وزە.
کەشتی ئاسمانیی ژاپۆن لە رووژ ١٩ی کانوون دویەم توەنست وەبان مانگ بنیشێدەو دویای ماوەیگ پسپۆرەیل وڵاتەگە توەنسنە پەیوەنی وە کەشتیەگە بکەن وەیەوە ژاپۆن بویە پەنجەمین وڵات لە نیشتنەوە وەبان مانگ لەدویای ئەمریکا و یەکێتی سۆڤیەت، چین و هیندستان.
