ژاپۆن ئاستیگ پەیمانەیی لە پیری توومار کەێد
ئی سیما گلەو خوەێد ئەرا داوەزیان زایین و بەرزەوبوین ناوڕاس تەمەن مەزەنەکریای، و پیری سای خوەی لەبان جویراجویر چینەیل جەهان زاڵەو کەێدر هەر لە ئابووری تا کۆمەڵگا تا چەودیاریکردن تەندروسی.
پەیمانگەی توێژینەوەی حکومەت ژاپۆن وت: هاتی شمارەی گەورە تەمەنەیل کە لە ژاپۆن وە تەنیا ژیەن بڕەسێدە ٤٧٪ تا ٢٠٥٠، کە رووشنایی خەێدە بان ئەو بار سەنگینە کە ئاڵشتبوین دانیشتگی لە وڵات خەێدەی بان بیمەی کۆمەڵایەتی.
مەزەنە کریەێد شمارەی تاکە کەسەیل بی خیزان بڕەسێدە ٢٣.٣ ملیۆن کەس لە ساڵ ٢٠٥٠، کە ئاست ٤٤.٣٪ لە گشت خیزانەیل کەێد.
پەیمانگەی نیشتمانی ئەرا توێژینەوەی دانیشتگەیل و ئاسایش کۆمەڵایەتی وت: ئەوە زیاترە لە ئاست ٣٨٪ کە لە ساڵ ٢٠٢٠ توومار کریا.
مەزنەیل پەیمانگاگە نشان دا کە تاکە کەسەیل لەو کەسەیلە پیکهاتیە کە تەمەنی لە ٦٥ ساڵ ئەوبانە وە ریژەی ٦٤.٥٪ لە ساڵ ٢٠٥٠ وە بەراورد ٣٤.٩٪ لە ساڵ ٢٠٢٠.
