پاکستان.. کوشیان چوار سەرباز وە پەلاماریگ لەبان سەربازگەیگ
2023-07-12T13:02:06+00:00
شەفەق نیوز/ سوپای پاکستان، ئمڕوو چوارشەممە، کوشیان چوار سەرباز لەلای کەمەو راگەیان، وە پەلامار چەکدارەیلیگ وە تفەنگ و بومب دەسی و مووشەک لەبان سەربازگەیگ لە باشوور وڵاتەگە.
ئاژانس "رۆيتەرز" لە زوانی بەیانامەی سوپای پاکستان وت: ٥ سەرباز تویش زەخمداری سەختیگ هاتن، وتیش؛ ٣ کەس لە تونەڕەوەیل چەکدار لە تەقەکردنەگە کوشیانە.
بەیاننامەگە وتیش؛ ئۆپراسیۆن وەشوینکەفتن دوو چەکدار لەلیان وەردەوامە.
سێ سەرچەوەی ئەمنی باس کردن ک لە وەخت زوویگ شەوەکی ئمڕوو، چەن کەسیگ چەکدار چینەسە ناو ئەو سەربازگە لە هەرێم بلوخستان باکوور.
