پەیاکردن ١٧ تەرم لەناو مەیخانەیگ لە باشوور ئەفریقا

شەفەق نیوز/ پۆلیس ناوچەی "ئێست لەندەن" لە باشوور ئەفریقا، ئمڕوو یەکشەممە، تەرم ١٧ کەس لەلای کەمەو پەیا کرد، فرەیان گەنج بوین، ئەوەیش لەناو مەیخانەیگ شەوانە لەو ناوچە. 

ژەنیڕاڵ سیمبینکوسی کینانا فەدماندەی پۆلیس ناوچەگە ئەرا کەناڵ "ئی ئێن سی ئێە" تەلەڤزیۆنی وت: ١٧ گەنج مردگ لەناو مەیخانەیگ شەوانە لە ئیست لەندەن پەیا کرد، وتیش: تا ئیسە هویردەکاری کوشتنیان نادیارە.  

فرانس برس لە زوان وەرپرسەیل پۆلیس وت: دەسەڵاتەیل باشوور ئەفریقا لێکۆڵینەوە لەو تاوان نادیارە واز کردن.  

کینانا وتیش: ریوارەیلیگ هوشداری پۆلیس لەو رویداوە کردن ک لەناوچەی سینری پارک وەدویری ٣ کیلومەتر لەناوڕاس شارەگە بوی. 

کینانا ئەرا رۆیتەرز وت: هیمان رویداوەگە ها ئاست لێکۆڵینەوە، وتیش هیمان وەختە هووکار مردن ئەو گەنجەیلە دیاری بکریەێد ک تەمەنیان لەناو ١٨ و ٢٠ ساڵان بوی.