ئاگر گەورەیگ لە کۆمپانیایگ کیمیایی لە ئەمریکا

شەفەق نیوز/ سەرچەوەیگ رووژنامەوانی ئەمریکا، ئمڕوو سێشەممە، خەوەردا لە هیزگردن ئاگر گەورەیگ لەناو کۆمپانیایگ کیمیایی نزیک شار ئۆماها لە ویلایەت نبراسکای ئەمریکا.   

ئاژانس "فۆکس نیوز" ئەمریکی وت: ئاگر ودویکەڵەگە فرە بوین تا رەسیە دراوردن کەسەیلیگ لە گەڕەکەیل شانی، ک دویکەڵ سیای خەسیگ لە دویری چەن میلیگ دیار دا. 

وتیش: دەنگ رممەیش لە سزاین تانکیەیل برۆبان ومادەیل کیمیایی لەناو کۆلێژ Nox-Crete رەسیە گووش.   ئاژانسەگە دیاری کرد ک ئاگرەگە لە ساعەت ٧ ئیوارە وە وەخت ئەمریکا دەسوەپی کرد،  وهووکار هیزگردنی نادیارە. 

وەرپرسەیلیگ وتن ک فەرمانگەی ئاگرکپکردن ئۆماها وت: دیوارەیل بیناگە دەسکردنە رمیان، و تا ئیسە خەوەر لە زەخمداری نەڕەسیە، ودیاریش نییە ئەگەر مەوقەی ئاگرەگە کەسیگ لەناو بیناگە بویە.