ئاگر گەورەترین فڕوکەخانە لە ئەوروپا بەسێد

شەفەق نیوز/ گشت کاروانەیل ئاسمانی لە فڕوکەخانەی هیسڕۆی بەریتانیا تا نیمەی شەو وسیان، ئەوەیش لە ئەنجام هیزگردن ئاگر لەناو وێستگەی کارەبا کە وزەی کارەبا وەشیوەی فراوانیگ بڕیا، و جویلەی فڕۆکەوانی گڵووڵە بەی، و دەسەڵاتەیل ناچار بوین فڕوکەخانەگە ئەرا بیوەیی گشتی وە تەواوی بوەسن.

فرۆکەخانەی هیسڕۆی بەریتانیا، ئمڕوو جمعە، خەوەردا کە تا ساعەت 23:59 ی ئیوارەی 21 ئادار/ مارس، فڕوکەخانەگە وە بەسیای مینێد، لە شوین ئەو ئاگرە کە لەناو وێستگەی کارەبا هبز گرد، و بویە هوکار بڕیان فراوانیگ لە کارەبا.

فڕوکەخانەگە لە بەیاننامەیگ لەبان پلاتفۆرم ئێکس وت: بڕیارەگە ئەرا بیوەیی مەردم هات، و هوشداری دا کە گشت کاروانە وسیانە.

قسەکەر فرۆکەخانەگە ئەرا ئاژانس رۆیتەرز وت: تیمەیل وەرگری شارستانی وەردەوامن لە کۆنترۆڵکردن رویداوەگە، وەلێ تا ئیسە دیار نییە کەی کارەبا وەتەواوی گلەو خوەێد.

وتیش: هاتێ لە ماوەی ئی چەن رووژە شیواشیو لە جویلەی کاروانەیل وەردەوام بوود.

 جی باسە کە فرۆکەخانەی هیسڕۆ لە ساڵ 2024 کەفتە پلەی دویەم لەناو قەرەباڵغترین فڕوکەخانەیل لە جیهان، وەگورەی بەیاننامەیل کۆمپانیای OAG، ئەوەیش دویای فرۆکەخانەی ناودەوڵەتی دوبەی.