ئاگر و تەقینەوە لە ئیستەنبول
2022-04-08T07:59:23+00:00
شەفەق نیوز/ ئاگر گەپیگ لە ناوەن لێکۆڵینەوە و ئەوزەڵداین سەربازی، لە شار ئیستەنبول تورکیا، شەوەکی شەفەق ئمڕوو جومعە، کەفتەو و لەلای کەم سێ تەقینەوە دروس کرد لەناو ناوەنەگە، وەرجە ئەوەگ تیمەیل کپکردن ئاخڵەی شۊنەگە بیەن و کۆنترۆلی بکەن.
سێ تەقینەوە لەناو ناون تۊژینەوە و ئەوزەڵداین (مەکتەو سەربازی) رۊدایە، لەناوچەی توزلا لە ویلایەت ئستەنبول، وەگورەی ئاژانس "ئەنادۆل" و دەزگا راگەیانەیل ناوخۆەییتر.
"ئەنادۆل" وتیش، " یەکیگ لە تەقینەوەیل لە ناوەن تۊژینەوە و ئەوزەڵداین لەناو وەڕێەوبەرایەتی چەودیریکردن 41مین مەکتەو پیادە لە توزلا رۊدایە، و بڵۊزە لە مەکتەوەگە بەرزەوبۊیە.
وەگورەی دەزگا راگەیانەیل تورکیا، هۊچ مردن ە زەخمداریگ لە رۊداوەگە نەکەفتیە، وەگورەی زانیاریە سەرەتایەگان، تا ئیسە بڕ ئەو زەرەد مادیەیلە نەزانریاگە.
