ئاگر گەپیگ نزیکەی ٦٠٠ ماڵ لە ویلایەتیگ ئەمەریکی سزنێد
شەفەق نیوز/ وەرپرسەیلیگ خەوەردان لە سزیان هوتێلیگ و سوپەر مارکێتیگ و نزیکەی ٥٨٠ ماڵیش، و دراورن دەیان هەزار کەس لەوەر ئاگر دارستانەیل ک هەواگە تەکانی دەێد، ئەوەیش لە ویلایەت کولوراندۆی ئەمریکی ک کەفتیەسە وەر هشکەساڵییگ بیوەرین.
ئاگرەگە نزیکەی ١٦٠٠ فەدان ل٣ کەرت بۆڵدەر فەوتان، وەگەرد هووسدارییگ لە زەرەدەیلیگ گیانی، لەوەر ئەوە ک ئاگرەگە چەن هوتێل و سوپەر مارکێتیگ گیر هاوردگە.
جۆ بیلی فەرماندەی پۆلیس کەرت بۆڵدەر لە کۆنگرەیگ رووژنامەوانی وت: خەوەردار لە سزیان ٣٧پ ماڵ لە ساگامور بۊیمنە، ک لەدەس چگن، و هەمیش ئەگەریگ ئەرا لەدەسچگن ٢١٠ ماڵ تر لە ئۆڵد تاون سوپبیرێۆر هەس.
وتیش: دووپات کەم ک لەوەر گەپی و خەسی ئی ئاگرە و بڵۊزەی لەیجۊر ناوچەی پڕ لە دنیشتگەیل، ناکاوی نییە ئەگەر چەوسان و مردن بوود.
ئاگرەگە ئەرا ٦،٥ کیلومەتر چوارگووشە فراوانە، و ئاسمان ناوچەگە وە دۊکەڵیگ پەرتەقاڵی پووشاگە، و مەردمەگە تەکان وەرەو دەیشت دەن.
دەسەڵاتەیلە لە هەزاران کەس داوا کردن لەماڵ خوەیان دەرچن تا لەو ئاگرە بووان ک مەزەنە کریەێد لەوەر هەوای تونیگ وە کڕەیل کارەبا گوڵپە کردگە.
حاکم ویلایەت کولۆرافۆ گارید پولیس لەبان تویتەر نۊسان: نماز ئەرا هەزاران لەو خیزانەیلە کەیمن ک دیرن لەناوچەیل ئاگرەیلە لە سوپەریور و کەرت بۆڵدەر دەرکریەن، وتیش: هەوا تونەگە زوان ئاگرەگە تەکان دەێد، و باڵگردن گشت فڕۆکەیلە وسیا.
