ئاگر گەپیگ ئەمارەیلیگ لە بەندەر بەیروت سزنێد
![ئاگر گەپیگ ئەمارەیلیگ لە بەندەر بەیروت سزنێد](https://media.shafaq.com/media/arcella/1669808345950.jpg)
شەفەق نیوز/ میدیایل راگەیانن لوبنانی، ئمڕوو چوارشەممە، خەوەردان لە هیزگردن ئاگر گەپیگ لە ئەمارەیلیگ لەناو بەندەر بەیروت.
میدیایل وتن: ئاگرەگە لە سزیان ئەمار تایەر پلاستیگ بڵویزە کردیە، و ئەندامەیلیگ لە فەوج فریاکەفتن بەیروت توەنستن کپیەو بکەن.
لە ئاب گوزەشتە، بەش باکووری سایلۆیل دان وەتەواوی رمیا، لەدویای ئەو تەقینەوەی مەرگبارە ک لە ئاب ٢٠٢٠ لە بەندەر بەیروت هەڵسیا.
جی باسە ک بەندەر بەیروت تەقینەوەی گەپیگ وەخوەی دی، ک وە سێیەم تونترین تەقینەوە لە جەهان دریا قەڵەم، ک لە چوار ئاب ٢٠٢٠ بویە هووکار کوشیان زیاتر لە ٢٠٠ کەس و زەخمداری زیاتر لە ٦٥٠٠ کەس.