ڤایرۆس نیپا لە هندستان دەرکەفتەیە و دوو کەس گیانیان لەدەس دان
2023-09-13T11:38:06+00:00
شەفەق نیوز/ وەرپرس پەیمانگای هیند ئەرا زانست ڤایرۆسەیل، مردن دوو کەس وە ڤایرۆس "نیپا" راگەیان.
ئاژانس رۆیتەرز لە زوانی ئەو وەرپرسە راگەیانیە، " وەشکین وە کۆمەڵ لەو ناوچە دەسوەپی کەێد کە دویاین تویشهاتن وە نیپا لەناوی توومارکریاگە، و ری و شوین دیاریکریاگە ئەرا کەرەنتین کردن".
لە ساڵ 2018 بڵاوبوین ڤایرۆس نیپا لە کیرالا بویە مدوو مردن 17 کەس، ئی ڤایرۆسە چەندین جار لەی ویلایەتە دەرکەفتیە، و ڤایرۆسەگە هویچ چارەسەر و کوتانیگ نەێرێد.
"نیپا" ڤایرۆسیگ کوشندەس کە زەرەد رەسنێد، ئەرا یەکەمینجار لە ساڵ 1999 پەیاکریا، بیماریەگە تویش ئیوەتکەرەیل وەراز و ئەوانەگ وەرکەفتن راستەوخوی وەگەردیان داشتیە بویە لە مالیزیا و سەنگافورە.
