ئاگر دارستانەیل گیان ٦ کەس لە ویلایەتیگ ئەمریکا سنینێد
2023-08-10T09:05:05+00:00
شەفەق نیوز/ دەسەڵاتەیل ناوخوەیی ئەمریکا، ئمڕوو پەنجشەممە، کوشیان شەش کەس لەلای کەمەو راگەیانن، ئەوەیش لەناو ئاگر دارستانەیل لە ویلایەت هاوای.
کویخای دوورگەی ماوی لە ویلایەتەگە، ریچارد بیسین وت: ٦ کەس لەلای کەمەو گیانیان لەدەس دان، و شەش کەسیش زەخمدار بوین، و خەوەردا لە وەردەوامی کارەیل مینەکردن و رزگارکردن، وتیش؛ شمارەی قوربانیەیل ها بەرزەبوین.
دەسەی وەڕیەوبردن کارەساتەیل لە هاوای خەوەردا لە کوشیان شەش کەس، وتیش؛ ١٣ کەس لەناوچەگە دەرکریا، و کارەبا لە نزیکەی ٢٦٠٠ کەس بڕیا.
کویخای ویلایەت جوس گرین باس کارەساتیگ دڵتەزن کرد وە ئاگر گەپگیگ وەشیوەی فراوانیگ لەوەر وای تون دروس بوی، ک بویە هەکاتی زریانیگ.
ئاگر لە دوورگەیل ماوی و پیچ ئایلاند.
گرین دیاری کرد ک بەشە گەورەگە لە سەیرانگەی لاهاینا لە دوورگەی ماوی کەفتە ویرانی، و دەیان خیزان سەرگەردان کرد.
