پاپا فرانسیس رەخنەی نەتەوە یەکگرتگەیل وەرانوەر قەیرانەیل جەهانی گرێد
شەفەق نیوز/ پاپا فرانسیس داوای چاکسازی لە نەتەوە یەکگرتگەیل کرد، دویای ئەوە ک کەمی لە دەوری لە نواگردن پەتای کۆرۆنا و جەنگ لە ئۆکرانیا نشان دا.
رووژنامەی "لا ستامبا"ی ئیتالی بەشیگ لە کتاو نوو پاپا بڵاو کرد ک لەناوه وت: هەنای باس ئاشتی و ئاسایش لە ئاست جەهانی کەیمن، یەکەم ریخریاگ کەفێدە هویرمان خوەی نەتەوە یەکگرتگەیلە، وەتایبەت ئەنجومەن ئاسایشی.
وتیش: جاریگتر جەنگ لە ئۆکرانیا نشان خوازین ئەرا دووپاتکردن لەوە دا ک ئی گردەوبوین بڕە لایەن ئیسە ریەیلیگ نەرمتر و گورجتر ئەرا چارەکردن ململانەیل خوازێد.
پاپا دووپات کرد ک لە وەختەیل جەنگ گرنگە دووپات لەوە بکەیمن ک ئیمە رەنگاوڕەنگی زیاتر و خاستر خوازیمن، باوجی نەتەوە یەکگرتگەیل وەو جویرەگ لەوەخت دامەزراننی کار کردیە، جواو کارە نووەیل نیەێد.
وتیش: نەتەوە یەکگرتگەیل دروس کریا تا ئەو کارەیل ناشرینە ک لە دوو چەنگ سەدەی نیسەم رەت بکەێد، و هەرچەن هەڕەشەی هیمان زنیە، جەهانیش جویر خوەی نەمەنیە، وبایەتە دەزگایل ناودەوڵەتی بوود بەرهەمیگ ئەرا فراوانترین رێککەفتن.
پاپا باس خەفەتی کرد چوینکە خوازین ئی چاکسازیە دویای پەتاگە زیاتر ئاشکراوە بوه، ک ئمجا کەمی خوەی نشان دا، لە بەشەوکردن واکسینەیل، نموونەی زاقیگ نشان دا ک سەنگینی یاسای وەهیزتر زیاتر لە هاوکاری پەسەن کریەێد.
هەمیش داوای چاکسازی رێکخستەنی کرد ئەرا گلەوداین ریخریایەیل ناودەوڵەتیی ئەرک سەرەکییان لە خزمەت مرۆیی بوود.
